Samstarf sveitarfélaganna
Árið 1998 sameinuðust 11 af 12 sveitarfélögum í Skagafirði og úr varð Sveitarfélagið Skagafjörður. Eftir standa því tvö sveitarfélög í firðinum, Akrahreppur og Sveitarfélagið Skagafjörður. Sveitarfélögin eiga í umfangsmiklu samstarfi um hina ýmsu þjónustu, bæði í samstarfi við önnur sveitarfélög og sín á milli.
Sveitarfélögin eiga samstarf um átta verkefni sem þau hafa samið um:
- Stofnsamningur Norðursorps [Norðurá] bs.
- Samstarfssamningur um skipan heilbrigðisnefndar og rekstur Heilbrigðiseftirlits Norðurlands vestra
- Samningur milli Akrahrepps og Sv. Skagafjarðar um framkvæmd verkefna
- Samkomulag um rekstur Varmahlíðarskóla, Tónlistarskóla Skagafjarðar og leikskólans Birkilundar
- Samkomulag um samstarf um rekstur Náttúrustofu Norðurlands vestra
- Sameiginlegt þjónustusvæði á Norðurlandi vestra um þjónustu við fatlað fólk
- Skipulagsskrá fyrir Farskólann – miðstöð símenntunar á Norðurlandi vestra
- Samningur milli Akrahrepps og Sveitarfélagsins Skagafjarðar um þjónustu skipulags- og byggingarfulltrúa
Að auki er eftirfarandi samningur í gildi, utan þess samstarfs sem Akrahreppur og Sveitarfélagið Skagafjörður eiga í:
- Samningur um fjallskil (Hörgársveit, Akrahreppur)
Á grundvelli samstarfssamnings milli sveitarfélaganna annast Sveitarfélagið Skagafjörður eftirtalin verkefni fyrir Akrahrepp:
- Grunnskóli
- Leikskóli
- Tónlistarskóli
- Íþróttamiðstöð Varmahlíð og önnur íþróttamannvirki í Varmahlíð
- Barnavernd
- Frístundastarf barna
- Dagþjónustu fyrir aldraða
- Héraðsbókasafn, Héraðsskjalasafn, safnahús og Byggðasafn Skagfirðinga
- Upplýsingamiðstöð ferðamanna í Skagafirði og þjónustu atvinnu- og ferðamálafulltrúa
- Almannavarnir, brunavarnir og eldvarnaeftirlit
- Fasteignir í sameign sveitarfélaganna tveggja
- Rekstur mótttökustöðvar fyrir sorp (viðauki)
- Þjónusta skipulags- og byggingafulltrúa (sérstakur samningur)
Í þeim tilvikum þar sem teknar eru ákvarðanir um rétt eða skyldu manna í skilningi stjórnsýslulaga nr. 37/1993, framselur Akrahreppur því valdi til Sveitarfélagsins Skagafjarðar. Hreppsnefnd Akrahrepps tekur sjálf ákvarðanir um veitingu þjónustu á grundvelli barnaverndarlaga en Sveitarfélagið Skagafjörður annast rekstur og stjórnsýslu málanna.
Framkvæmd samningsins er rædd á sameiginlegum fundi byggðarráðs Sveitarfélagsins Skagafjarðar og hreppsnefndar Akrahrepps einu sinni á ári.