Kjörskrár vegna sameiningarkosninga 19. febrúar 2022

Þjóðskrá gerir kjörskrárstofn sem sveitarstjórnir fjalla um.

Þann 19. febrúar nk. fara fram kosningar um tillögu að sameiningu Akrahrepps og Sveitarfélagsins Skagafjarðar.

Á kjörskrá í Akrahreppi eru 156 einstaklingar og í Sveitarfélaginu Skagafirði 2.963 einstaklingar.

Kjörskrár liggja frammi á skrifstofum sveitarfélaganna öllum almenningi til sýnis á almennum skrifstofutíma fram að kjördegi. Athugasemdir við kjörskrá skal send hlutaðeigandi sveitarstjórn. Íbúar í Akrahreppi eru beðnir um að hafa samband við oddvita. 

Á vefsíðu Þjóðskrár er hægt að fletta rafrænt upp í kjörskrá. 

Í lögum um kosningar til sveitarstjórnar nr.5/1998 segir m.a:

Sveitarstjórn skal þegar taka til meðferðar athugasemdir er henni berast vegna kjörskrár og gera viðeigandi leiðréttingar á henni. Slíka leiðréttingu má gera fram á kjördag. Óheimilt er að breyta kjörskrá ef tilkynning um nýtt lögheimili hefur ekki borist Þjóðskrá Íslands fyrir þann tíma er greinir í 5. gr.
Sveitarstjórn skal enn fremur fram á kjördag leiðrétta kjörskrá ef henni berst vitneskja um andlát eða um að einhver hafi öðlast, eftir atvikum misst, íslenskt ríkisfang.